Franc Terihati është Drejtori Ekzekutiv i Centre for Legal Empowerment (CLE) nga Dhjetori 2021. Para se t'i bashkohej CLE, Terihati ka qenë Menaxher Programi i Programeve të Mbrojtjes së të Drejtave Sociale-Ekonomike dhe Fuqizimit Ligjor në Fondacionin Shoqëria e Hapur për Shqipërinë (OSFA) nga Shtatori 2017. Ai iu bashkua Fondacionit si ekspert i Qendrës së Ligjit OSFA në prill 2017, ndërkohë që gjatë viteve 2015 - 2017 ka ndjekur çështje të ndryshme gjyqësore për të drejtat e njeriut si pjesë i Rrjetit të Avokatëve OSFA.
Terihati është avokat anëtar i Dhomës Kombëtare të Avokatisë Shqiptare nga viti 2010 dhe ka një përvojë të gjerë në të Drejtën Sportive, duke qenë anëtar i Këshillit të Arbitrazhit Sportiv të Shqipërisë nga Nëntori 2011 dhe Kryetar i Këshillit nga Qershori 2017 deri në Dhjetor 2017, dhe arbitrër në Komisionin e Apelit të Federatës Shqiptare të Futbollit nga Shtatori 2011 deri në Mars 2012.
Ai ka shkruar artikuj shkencorë, disa prej të cilëve janë “Garantimi i të drejtës për të pasur ndihmë ligjore për viktimën/viktimën akuzuese gjatë procedimit penal”, “Garantimi i së drejtës për të pasur një mbrojtës ligjor për viktimën/viktimën akuzuese gjatë procedimit penal”, “Veprat penale të korrupsionit aktiv dhe pasiv në sektorin privat”, “Ekzekutimi i detyrimeve tatimore ndaj shoqërive tregtare që nuk kanë likuiditet. Kufijtë e përgjegjësisë së aksionarëve dhe drejtuesve” dhe ka publikuar në vitin 2015 librin “Procedura civile”.
Terihati është diplomuar në Fakultetin e Drejtësisë, Universiteti i Tiranës.
Klaudja Veizi, lindur në 18 Gusht të 1996, në Gjirokastër. Mbaruar studimet e larta në Drejtësi, nga ku edhe zotëron diplomë Master në të Drejtë Civile, me rezultate të shkëlqyera, nga Fakulteti i Drejtësisë, "Universiteti i Tiranës".
Përfunduar “Trajnim i vazhdueshëm për Avokat” Shkolla e Avokatisë, në periudhën 2020-2021.
Formuar profesionalisht si jurist, nëpërmjet praktikave dhe intershipeve të ndjekura si në Gjykatën e Rrethit Gjyqësor Tiranë, ashtu dhe në zyra avokatie, zyra noterie.
Përgjatë periudhës 17.02.2020 -21.12.2020 ka qënë emëruar në pozicionin specialist jurist pranë Zyrës Vendore Arsimore Gjirokastër – Libohovë - Dropull. (Drejtoria e Përgjithshme e Arsimit Parauniversitar)
Që prej periudhës Dhjetor të 2020 e aktualisht është e emëruar punonjës me trajnim të posaçëm, Jurist, pranë Qendrës së Shërbimit të Ndihmës Juridike Parësore Gjirokastër, Drejtoria e Ndihmës Juridike Falas.
Më 14.09.2021, e aktualisht është angazhuar në platformën juristi online.
Zotëron njohuri shumë të mira të sistemit të drejtësisë, me formim profesional të kualifikuar dhe certifikuar.
Përgjatë kryerjes së detyrave funksionale, përparësi i është dhënë rritjes së aksesit në drejtësi duke asistuar në përmirësimin dhe rritjen e performancës së institucioneve publike, me një formim të gjerë në fushën juridike si dhe kryerjen e një sërë intervistash me mediat lokale dhe kombëtare mbi sistemin e drejtësisë në Republikën e Shqipërisë e më së shumti mbi ligjin Nr. 111/2017 " Për ndihmën Juridike të Garantuar nga Shteti".
Msc. Arbesa Kurti, është anëtare e Bordit Drejtues të Qendrës “Centre for Legal Empowerment (CLE) nga Dhjetori 2021. Nga viti akademik 2015-2016 është pedagoge e jashtme pranë Universitetit të Tiranës, Fakulteti i Drejtësisë.
Që nga viti 2011 është përfshirë në shoqërinë civile dhe ka asistuar në çështje të rëndësishme për mbrojtjen e të drejtave të njeriut, si e drejta për strehim, të drejtat e viktimave, e drejta për të pasur një avokat gjatë procesit penal, të drejtat e punëmarrësve, mbrojtja e mjedisit, e drejta e informimit, e drejta e konsultimit publik etj., si dhe ka marrë pjesë dhe ka koordinuar grupet e punës për hartimin e një sërë studimeve për të drejtat e sipërpërmendura.
Në cilësinë e ekspertes, ka marrë pjesë në disa trajnime ndër vite, lidhur me ligjin për të drejtën e informimit, ligjin për njoftimin dhe konsultimin publik, ligjin për ndihmën juridike, Kodin Penal, Kodin e Procedurës Penale, të miturit në konflikt me ligjin etj. Gjithashtu ka marrë pjesë në shumë tryeza konsultimi për hartimin e akteve ligjore dhe ka kontribuar në dhënien e komenteve dhe rekomandimeve për akte të ndryshme ligjore dhe nënligjore, veçanërisht në paketën ligjore për reformën në sistemin e drejtësisë.
Znj. Kurti është avokate nga viti 2014 dhe është angazhuar në hartimin, mbrojtjen dhe përfaqësimin e çështjeve të ndryshme me profil të lartë në fushën penale, civile dhe administrative.
Është autore, bashkautore dhe pjesë e grupeve të punës në shumë studime dhe punimesh shkencore në fusha të ndryshme të së drejtës, duke përfshirë analizën e veprave penale në fushën e shpërdorimit të fondeve shtetërore, në fushën e tatimeve, të drejtave të viktimave, respektimi i të drejtës për privatësi dhe raporti i saj me të drejta të tjera, në fushën civile, penale etj. të cilat janë prezantuar dhe botuar në konferenca kombëtare dhe ndërkombëtare brenda dhe jashtë vendit.
Znj. Kurti ka kryer studimet Bachelor dhe Master në Universitetin e Tiranës, Fakulteti i Drejtësisë në vitin 2013 me rezultate shumë të larta (vlerësuar me Medaljen e Artë). Në vitin 2014 ka përfunduar studimet në Shkollën e Avokatisë, si dhe ndër vite ka marrë pjesë në kurse dhe trajnime brenda dhe jashtë vendit.
